底線將殺

國際象棋入邊，底線將殺（英文：back-rank checkmate 或 corridor mate）係由城堡或者皇后執行，針對喺底線嘅國王嘅將殺，個國王前邊嘅格仔全部被自己同隊嘅棋霸住咗，國王走唔甩所以被人將死。^[1]右圖係典型嘅底線將殺擺位。

嚟自 Burgess^[1]

	a	b	c	d	e	f	g	h
8									8
7									7
6									6
5									5
4									4
3									3
2									2
1									1
	a	b	c	d	e	f	g	h

白棋 1.Rd8# 將死

呢篇文用代數記譜法嚟記錄步法。

引言

	a	b	c	d	e	f	g	h
8									8
7									7
6									6
5									5
4									4
3									3
2									2
1									1
	a	b	c	d	e	f	g	h

白棋攻擊喺c6嘅主教，黑棋無辦法應對，因為d行兩隻城堡嘅底線將殺威脅

底線將殺一般只會喺低水平嘅對局入邊會發生，因為初學者經常會留意唔到佢即將被人將死。喺高層次嘅對局入邊，好少會真係被人底線將死，但係棋手需要防範呢種將殺嘅可能性，有可能因而暴露弱點，或者被對手用戰術攻擊。

底線將殺可以用自己嘅城堡或者皇后守住底線嚟防範，但係呢個守衛有可能被對手引離。喺左圖嘅例子入邊，白棋可以行1.Qxc6而黑棋唔可以行1...Rxc6回應，因為如果佢咁行，就會被 2.Rd8+ Rxd8 3.Rxd8# 底線將殺。亦即係話，黑棋白白失去咗一隻主教而無辦法反擊，而事實上因為喺c6嘅白棋皇后仲攻擊緊喺a8同c8嘅兩隻城堡，黑棋之後都好麻煩，例如：1...Qa6 2.Qxa8! Rxa8 3.Rd8+ Rxd8 4.Rxd8#，黑棋如果想同時守住底線同埋串擊白棋嘅皇后同主教，白棋都有方法應對，可以保住隻主教，例如：1...b5（用皇后守住d8位）2.Qf3! 雖然喺c2嘅主教無防守，但係黑棋都唔食得，因為有底線嘅殺棋威脅，又或者：1...g6（整一個luft）2.Qf6! 黑棋一樣係唔可以食隻主教。

底線威脅嘅另一個解決方法係將國王前邊嘅其中一隻兵推前一步，通常係g兵或者h兵，去留一條逃生路線（luft）畀國王。左圖如果係輸到黑棋行嘅話，佢可以行 1...g6，將g兵推前一步，容許國王稍後行去g7逃走，解除底線威脅。留意行 1...h6係無用嘅，因為之後白棋嘅d3城堡行走咗嘅話，c2主教會攻擊h7，即係話國王依然係無一條逃生路線。

雖然推前國王前邊嘅兵可以解決底線威脅，但係亦都會造成國翼嘅弱點，喺一啲情況棋手甚至可以用主教嚟換走h3嘅兵，嚟打開g行，準備攻擊國王。不過另一方面，亦都有一啲開局，喺有任何底線嘅威脅之前，啲兵已經郁咗，例如h4去攻擊喺g5嘅主教，或者係 fianchetto（睇王翼印度進攻或者王翼印度防禦）。

名局

Bernstein 對 Capablanca, 1914

	a	b	c	d	e	f	g	h
8									8
7									7
6									6
5									5
4									4
3									3
2									2
1									1
	a	b	c	d	e	f	g	h

白棋行咗第29步之後嘅局面

José Raúl Capablanca 嘅一場名局就係用咗底線將殺嘅一個變體，嗰場係1914年莫斯科嘅友誼賽，Capablanca行黑棋，對手係 Ossip Bernstein，右圖係白棋行咗第29步之後嘅局面^[2]，雙方都有一城堡一皇后，而且都有被底線將死嘅威脅。Capablanca喺呢個時候行29...Qb2! 最簡單嘅回應 30.Qxb2 係唔可行，因為會被黑棋 30...Rd1# 底線將殺，而事實上其他嘅回應都唔可行：