康子內外篇

康子內外篇係清朝末年思想家康有為所寫嘅一本學術著作。

根據康有為自編年譜《我史》所記載，「光緒十二年丙戌二十九歲，……是歲作《康子內外篇》，內篇言天地人物之理，外篇言政教藝樂之事。」換算返即係大約西曆1886年至1887年初。呢本書入面有九篇曾經喺1899年刊登咗《清議報》上面，其餘有六篇未刊手稿。

呢本書反映咗康有為早期匯集咗古今中外嘅學術思想，係康有為早年嘅重要著作之一。1947年美國史丹福大學胡佛圖書館將呢本書嘅書稿同《實理公法全書》書稿整成縮微膠卷，後來美國加州大學劉廣京教授將呢兩本書縮微膠卷影印本嘅複制本送畀康有為嘅女康同璧。依家所登嘅各個版本都用緊呢個稿。

目錄

按照呢本書嘅題名，呢本書應該係分咗內篇同外篇。依家呢本書有15篇文章，但係內外篇點樣劃分就暫時唔知。依家都係以《清議報》所登嗰九篇排喺前面，而其餘未登嗰六篇就放喺後面。

• 闔闢篇
• 未濟篇
• 理學篇
• 愛惡篇
• 性學篇
• 不忍篇
• 知言篇
• 濕熱篇
• 覺識篇
• 人我篇
• 仁智篇
• 勢祖篇
• 地勢篇
• 理氣篇
• 肇域篇

版本

• 康有為，康子內外篇，載新民社輯，清議報全編·卷八（近代中國史料叢刊三編第十五輯），台北：文海出版社，1986年
• 康有為，康子內外篇（外六種），北京：中華書局，1988年
• 康有為撰，姜義華，張榮華編校，康有為全集，北京：中國人民大學出版社，2007年