廖舜禧博士英文Dr. Hayson Liu),人稱「廖 Sir」,係香港大學中文學院高級講師,體驗學習及交流計劃總監、中文及文化工作室總監、拓展部學術總監。廖 Sir 主要教大學中文課程,亦有舉辦書法、美學、茶禪、古樂、棋藝等等嘅文化工作坊。

廖 Sir 先後曾經同幾十間高校及中外機構合作,每年帶過千名學生同各界人士去一帶一路地區同埋中國考察交流,足跡遍及絲綢之路、川藏古道、茶馬古道、雪域天路(古道系列);青藏高原、黃土高原(高原系列)同埋嶺南、京滬、甘南、雲貴、緬甸(文化/服務學習系列);2020年積極開拓「文化創意實習」,同頂尖中外文化機構建立實習夥伴關係,亦開展「東南亞語文教育計劃」,同東南亞國家合作推展保育、語言及文化交流。亦舉辦「古琴」、「書法」、「戲曲」、「茶藝」等深度藝文考察系列。佢帶領過嘅交流同考察計劃曾經拎到國家教育金獎、中央電視台「最佳組織獎」。

教學方面,廖sir獲得多項殊榮,包括香港大學「Faculty Excellence Teaching Award」、理工大學「Outstanding Teaching Award」及「Inspiring Teaching Award」、中文大學「Outstanding Teaching Award」、教育局(教育署)「全港最值得表揚老師大獎」等等。

廖 Sir 積極推動知識交流,2016年起參與傳媒拍攝,致力推廣粵語、廣府及香港文化,亦積極推動「同行教育計劃」,教授非華語學生粵語同中華文化。佢亦主持多個無綫電視節目。

簡歷 編輯

廖舜禧先後喺寶血會伍季明紀念學校荃灣聖芳濟中學香港中文大學倫敦大學畢業,中學期間連續四年攞全香港書法比賽同演講辯論比賽冠軍。


傳媒演出 編輯

參考文獻 編輯

出面網頁 編輯