廣告軟件

廣告軟件（英文：adware）泛指一啲用嚟勁喺用家部電腦度顯示廣告嘅軟件。

廣告軟件可以透過好多途徑進入用家嘅電腦，例如係「匿喺」一啲正常嘅軟件裏面，一齊俾用家下載落部機度；一旦一隻廣告軟件裝咗落部機度，就會開始用各種方法向用家顯示廣告，例如係上上吓網無啦啦彈個廣告出嚟，或者係擅自改咗用家網頁瀏覽器嘅頭版噉；比較有攻擊性嘅廣告軟件甚至會（例如）靜靜雞查用家「上邊啲網站」嘅資訊，再將呢啲資訊傳返去開發隻軟件嘅人度，用嚟做「已知呢位用家對呢啲呢啲嘢有興趣，要彈啲咩廣告俾呢位用家睇？」噉嘅決策。