廣州伊麗莎白婦產醫院

 廣州伊麗莎白婦產醫院（粵拼：gwong2 zau1 ji1 lai6 saa1 baak6 fu5 caan2 ji1 jyun2） 係中國廣東廣州嘅一間私人婦產科醫院，喺2011年成立，位置喺荔灣區康王中路448號。呢間醫院既係有醫療、預防、保健、康復喺埋一齊嘅綜合性醫院，又係按JCI標準嚟辦嘅一間醫院，甚至由百佳國際集團喺廣州搞嘅一間醫院。

廣州伊麗莎白婦產醫院嘅大樓

事件

干卡嘅老婆生仔

喺2012年3月15號10點25分，中超第一身價嘅波星——干卡帶住自己老婆——包拉（Paula）嚟咗呢間醫院生咗班哲文（Benjamin）落嚟。喺呢件事之前，干卡嘅老婆究竟喺廣州定香港嗰度生仔都重未定到。

穆里奇嘅老婆生仔

喺2013年4月18號10點05分，嗰時俾亞洲足協話咗最佳球員嘅穆里奇老婆——阿蓮妮（Aline）嚟咗呢間醫院生咗格利愛爾（Gabriel）落嚟。

俾一班潮汕佬搗亂檔

喺2013年12月9號15點正，呢間醫院出咗單病人家屬一齊嚟搗亂檔嘅嘢。嗰時有成百位潮汕佬用事先准备好嗮啲轉頭嚟掟爛醫院嘅一樓門口同接待大廳。後嚟發生咗單嘢之後有廿幾位差人嚟睇實檔，甚至連荔灣區衛生局啲人嚟話清楚呢單嘢。根據家屬話係因為2013年11月27號嘅一位有8個幾月身紀嘅彭小姐因為生咗個已經死咗嘅BB出嚟，而家屬同醫院傾咗好多次都係冇聲氣。後嚟2013年12月9號上晝，嗰班家屬去醫院要搵人講清楚嗰單嘢點算，甚至搞埋個神主牌喺醫院門口。結果嗰日晏晝卒之出咗事，唔單止有好多人喺醫院門口搗亂檔，一直持續咗20分鐘，甚至連醫院啲人整蠱家屬都有。

接待過嘅名人

• 2013年亞足聯最佳球員、亞洲最佳外援——穆里奇
• 2013年中國足球超級聯賽、中國足協盃最佳球員、球會世界盃最佳射手——達里奧干卡

出面網頁

• 广州伊丽莎白妇产医院（中国）官方网站（大陸簡體）
• 广州伊丽莎白妇产医院（大陸簡體）
• 百佳國際集團（大陸簡體）