廣州地王廣場

中國廣東省廣州市嘅一間地下商場

 廣州地王廣場粵拼gwong2 zau1 dei6 wong4 gwong2 coeng4 ,規劃同施工嗰時叫雅仕廣場ngaa5 si6 gwong2 coeng4),係中國廣東省廣州市嘅一間地下商場,喺越秀區較場西路東較場嘅3號門附近嗰度。佢係廣州地鐵公司喺起緊1號綫嗰陣,順手一齊搞埋嘅一間商場。其中,廣東電視台體育頻道嘅《超級遊戲》節目就喺呢度入面影。呢間廣場喺1995年開始喐手起,一直到2002年中先至起好,2003年6月開業[1]

地王廣場
TASTY PLAZA
商舗嘅詳細信息
原名雅仕廣場
喺邊中國廣東省廣州市越秀區
較場西路東較場嘅3號門西北邊附近
座標23°07′32.02″N 113°17′01.53″E / 23.1255611°N 113.2837583°E / 23.1255611; 113.2837583座標: 23°07′32.02″N 113°17′01.53″E / 23.1255611°N 113.2837583°E / 23.1255611; 113.2837583
開張2003年6月
開發廣州雅仕投資發展有限公司、廣東省體育局
管理廣州桂鑫實業有限公司
樓層數地下3層樓

呢間地下商場喺白天嗰陣,係一個運動嘅場所。到咗晚黑就變成情侶拍拖嘅地區。

廣場施工 搞足8年 編輯

喺1995年,嗰時嘅廣州雅仕投資發展有限公司同廣東省體育局一齊合作,搞咗雅仕廣場嘅30年商場經營權,重搞咗招商,後嚟搞咗三年嘅拆遷同報建、規劃等一系列合作,1998年正式開始喐手起,但係挖咗個大窿之後就冇再繼續喐手。

由於嗰時佢哋冇乜錢,到咗2000年,雅仕公司又同私人一齊合作,搞咗間「廣州宇冠實業發展有限公司」嚟繼續搞呢間嘢,結果廣場改名做而家嘅「地王廣場」,嗰時有咗呢個專案嘅雅仕公司法人代表陳某,雖然佢重係新公司嘅法人代表,但股份已經跌到得返50%到。後嚟經過調查,原嚟宇冠公司法人代表陳某就話一齊合作搞地王廣場專案,向唔少公司同私人一齊吹水話合股投資嚟搞呢個項目,要丼1億蚊到嘅資金落去。不過佢哋重新繼續喐手起呢間嘢,搞咗3層樓嘅地下室之後就停手。有好多投資者睇到佢哋嘅資金已經俾陳某攞咗去第度用。

2002年4月,陳某又同深圳商業銀行嘅桂園支行、深圳市菲利興投資有限公司一齊搞咗間廣州桂鑫實業有限公司,從而開發地王廣場專案,而桂園支行行長就做咗桂鑫公司嘅董事長,而陳某嗰時嘅股份已經跌到得返10%。好多嗰年俾佢氹咗落搭嘅債權人以為有返希望,就過去鬧桂鑫公司,希望可以還錢,點知桂鑫公司話唔制,重話由於債權人嘅債務係陳某向各債權人借返嚟,嗰時係未有桂鑫公司就出現咗,所以公司唔可以孭爾單飛,而係嗌陳某孭。

最後呢間廣場冇影響到喺2003年6月份嘅開業。喺開業初時嘅生意好差,直到流行前線同地王廣場連通咗之後先至有主力店入嚟呢度搞[2]

主要活動 編輯

每逢禮拜或節假日,廣場負三層會定期 舉辦各種嘅主題活動

編輯

編輯