廣州大廈 (廣州)

  呢篇文講喺廣州市入面嘅廣州大廈。想搵喺北京市入面嘅廣州大廈嘅話，請睇廣州大廈 (北京)。

廣州大廈（粵拼：gwong2 zau1 daai6 haa6；英文：HOTEL CANTON）係中國廣東省廣州市嘅其中一間四星級酒店，喺越秀區嘅越華路南邊同廣衛路、北京路嘅交界之間嘅位。隔籬冇幾遠就係廣東省財政廳同廣之旅旅行社。呢間酒店既係中國內地第一間四星級酒店，又係成個廣州地區入面，第一間通過咗ISO9000同SO14000呢兩項國際認證嘅酒店，重係廣州市政府嘅官員接待基地。

喺正南路口望過去廣州大廈嗰頭

可以提得嘅係，呢間酒店重係中共中央同廣東省值黨政機關工作人員喺廣東省地區出差嘅住宿酒店。喺2010年嘅亞運會官方指定接待飯店同埋亞運城媒體村住宿服務商、亞運會獨立競賽場館餐飲服務商。