廣州市員村工人文化宮（粵拼：gwong2 zau1 si5 jyun4 cyun1 gung1 jan4 man4 faa3 gong1） ，廣州當地簡稱簡稱做員村宮或員宮，係中國廣東廣州嘅工人文化宮，1965年起好，位置喺天河區員村二橫路2號（黃埔大道中嘅天府路口對面）。
佢亦係廣州市總工會屬下嘅公益性文化事業單位，其中小金雁藝術團同員村青少年體育會就喺呢間嘢入面。
工人文化宮嘅佔地面積有15700㎡，建築面積：22475㎡。園區主要搞職工同細路嘅培訓、體育健身、電影娛樂同餐飲旅業等。
