廣州市第65中學

廣州市第65中學係中國廣東廣州嘅全日制中學，1946年創立，有兩個校區，都喺白雲區入面。

廣州市第65中學 Guangzhou No. 65 Middle School
位置
江高校區：江高鎮愛國西路190號 同德校區：棠溪村德康路怡康正街7號
明細
類	廣東省一級學校
校訓	禮　信　愛　勤
成立	1946年
校區	白雲區
級別	中學六年全日制
網站	http://www.gz65.com

廣州65中各個校區

同德圍校區（西）

同德圍校區（東）

兩個校區

• 江高校區：江高鎮愛國西路190號
• 同德校區：棠溪村德康路怡康正街7號

校服色

廣州六十五中嘅校服

長袖

• 衫：　　相間。領　，袖口　帶一條粗　線；正反面上　下　，分界線喺心口位，成鈍角V字；背面嘅　底花紋中間位有類似BN Elements字體嘅「G.Z. 65」字樣。袖上　下　，上頂有一條　極細線。兩袖之間嘅菱形有同背面嘅花紋連埋一齊；左右對稱。
• 褲：　，兩邊近袋口位有　嘅平行四邊形，喺平行四邊形入面重帶有「65」嘅阿拉伯數字（冬裝）或兩條相平行嘅極細線（秋裝）。

短袖

• 衫：　。領同袖口都係　帶　邊，但膊頭到近袖口位有兩條　極細線，兩線之間有Bank Gothic系列字體「G.Z. 65」字樣。左右唔對稱，有領有紐扣。
• 褲：　，兩邊都有中等厚度嘅　線。

棉褸

　　相間。領　，兩袖　帶一條極細　線，正反面都係上　下　，分界線喺心口位，成直角V字，但正面中間有條粗嘅　直線成「↓」嘅箭嘴符號噉。

史

學校喺1946年為咗紀念國民黨愛國將領——伍觀淇而搞出嚟。開辦初期改名做私立庸伯中學，其中「庸伯」一名出自伍觀淇嘅字號。1950年初，禺北辦事處接手時，將呢間中學同德基合併而改名做禺北初級中學。同年9月，由於番禺縣人民政府正式接手，學校開始充公而改名做番禺縣第四中學。期間學校一直喺江村嘅鄉德堂（今日嘅江村大祠堂）入面開辦。

1951年冬，學校開始喺流溪河近江夏嶺邊搞咗新校區，重喺1952年10月起好兼搬入。但嗰時學校辦學設施比較落後，直到1956年改成完全中學為止。1957年，由於江村改屬廣州市郊區，學校唔單止改咗畀廣州市嘅郊區人民政府睇實，甚至連校名都改成廣州市江村中學。期間連續俾廣州市屬下嘅教育部門猛咁讚，直到1965年成為廣州市北邊一名牌中學。

1966年，文革爆發，由於65中學生作反，話教學設施同教學資料係「牛鬼蛇神」而全面破壞，令學校嘅正常教育教學工作全部停嗮。三年後，校名改名做廣州市第65中學。期間學校一直以學工農同無產階級革命嘅教育為主，但教育質量大跳水直到1977年開咗十一屆三中全會為止。

郊區人民政府（今日嘅白雲區人民政府）喺1985年開始向學校加大投入兼要佢辦好啲學校，令學校入面啲設施同設備開始出現大規模改善。重喺1986年9月擴大招生範圍。從1988年夏開始，學校嘅教育質量開始提升，直到1990～1993年出咗好多位優秀嘅學生出嚟社會。1995年正式成為廣東省一級學校兼1999年通過複審。學校升級成廣東省一級學校之後，2004年亦成為國家級示範性普通高中。

喺白雲區桃園中學正門附近嘅教學樓，上面可以見到廣州六十五中嘅校徽，可以得知佢係65中屬下嘅民辦學校。

從2005年開始，學校擴大咗佔地範圍兼新起咗教學樓、實驗樓、圖書館、體育館、行政綜合樓、400米嘅運動場同文化藝術長廊、游水池，重按示範性高中搞咗教育教学設施同設備。

開辦屬下學校

踏入21世紀後，學校為咗擴大影響力而喺2000年開辦白雲區梓元崗中學、2003年開辦白雲區桃園中學同埋金桂園小學。

同德校區

同德校區喺2012年4月29號喺近同德圍嘅棠溪村開辦，同年9月1號正式開學。初期規模比較細，凈得間東教學樓響度，直到2013年8月23號改造咗原校舍、學生宿舍同食堂同新起咗西教學樓、實驗樓同體育館、室外運動場等。2013年下學期期間，原先喺同德校區讀書啲學生都搬嗮去江高校區上堂直到2015年暑假前為止。

2015年8月底，同德校區全面起好嗮，同年9月1號正式開學。原先搬嗮去江高校區上堂啲同德校區師生都返嗮嚟同德校區上堂。

註同攷

註

攷

出面網頁

• 廣州市第65中學嘅官方網站