廣州電視台影視頻道

 廣州電視台影視頻道（粵拼：gwong2 zau1 din6 si6 toi4 jing5 si6 pan4 dou6） ，簡稱廣州影視頻道，係廣州電視台屬下嘅免費綜合頻道，主要播劇集節目，語言以粵語為主，亦有部分時段係普通話播出。呢個頻道喺廣州地區要裝咗機頂盒先至收到嘅電視頻道之一。喺佛山有線，呢個頻道以收費形式播出。

廣州影視頻道
邊位屬下	廣州電視台
開播	1994年5月23號
廣播語言	粵語、普通話（部分時段）
呼號	GZTV-3
總部位置	中國廣東廣州 越秀區環市中路231號
前稱	廣州有線影視頻道（1994～2001） 廣州電視台影視頻道（2001～而家）
官方網站	頻道官網
收睇方法 數碼信號 廣東有線（廣州省網） 9 廣州有線 5 U互動 廣州：6 佛山：8 佛山有線 106（收錢） 花都有線 37 從化有線 6

頻道好多時播放劇集，主要喺19:00～21:25期間連續播3集粵語劇集，21:30～21:55播世界大不同，22:00～23:00播真情追蹤。凡喺上級政府宣佈停止公共娛樂活動時，頻道亦會停止播出任何劇集等節目，直接轉播CCTV-1。

不過晚間劇集好多時喺中段，一部系列電視劇嘅大結局播嗮之後唔會打出「全劇完」三個字嘅形式話畀大家，而係跟住落嚟要睇嘅劇集，直到計埋3集嘅電視劇播嗮為止。

史

頻道喺1994年5月23號開播，初期係廣州有線電視屬下嘅影視頻道，2001年取消有線電視時改嗌廣州影視頻道。播出語言方面，初期以普通話做廣播，直到2006年中改為粵語廣播，雖然2009年開始保留咗一部分普通話嘅節目嚟繼續廣播，但多數嘅粵語節目唔受影響。

頻道初期喺廣州有線電視入面以模擬訊號播出，2003年3月1號開通數字電視時加到數字電視當中。而模擬訊號喺2007年底取消嗮。

出面網頁

• 廣州電視台影視頻道嘅官方網站