廣東工業大學粵拼gwong2 dung1 gung1 jip6 daai6 hok6英文Guangzhou University of Technology),簡稱廣東工大廣工,係中國廣東廣州嘅正式大學,1952年開辦,有三個校區。

廣東工業大學
Guangzhou University of Technology
校訓團結 勤奮 求是 創新
開辦1952年
類型公立
校址東風路校區:越秀區東風東路729號
大學城校區:番禺區廣州大學城小穀圍大學城外環西路100號
龍眼洞校區:天河區迎龍路161號
網站官網:http://www.gdut.edu.cn/
就業中心:http://job.gdut.edu.cn/
本科招生:http://zsb.gdut.edu.cn/

三個校區嘅詳細位置 編輯

編輯

1952年,廣州水利土木工校開辦;時隔3年之後又開辦咗水利學校,甚至過多4年又從廣東電力學校、廣東省水利科學研究院同廣東省電業局廣州中心試驗所合併成廣州水利電力學院。1956年開辦華南建設學院東院同廣東機械學院。1961年,廣州工學院同廣東科技學院合併成中南科技學院,第二年又同廣州水利電力學院合併,變成廣東工學院。1970年,因破四舊浪潮影響,工學院同礦冶學院逼到停辦,上緊堂嘅學生都去嗮韶關南華寺避難,重改名做廣東礦冶學院。而喺廣州市郊區(1991年取消咗)五山(今日屬天河區)嘅華南工學院(今日嘅華南理工大學)改名做廣東工學院;另外,華南建設學院東院同廣東機械學院喺1968年停辦,直到1978年先至恢復,而廣東省機械學校改名做廣東機械學院。1982年,廣東礦冶學院從韶關南華寺搬返到廣州嘅東山區(今日嘅越秀區)嘅校區搞返廣東工學院。但由於文革時期,學校大部分土地俾人猛咁整蠱同好多民居霸咗,得返300幾畝地,甚至俾文革時期起好嘅環市東路分成南北兩個校區。1995年,經國家教育部批准,廣東機械學院、華南建設學院東院同廣東工學院合併,變成而家嘅廣東工業大學。而大學城校區喺2005年正式搞好。2017年廣工啲學生試過學校喺搞一個讀書會,聯繫啲社工同學校嘅後勤工友搞文藝晚會同廣場舞活動,讀書會後尾喺11月15號晚黑畀保安入教室驅散,四名負責讀書會嘅書友同張雲帆、業建科倆位畢業青年事後畀差人帶走,後倆人入咗番禺看守所。後期差人定性讀書會屬非法組織,學校同差人頻繁警告讀書會啲學生,由此散檔,後勤工友嘅廣場舞活動變得難以維繫。

出面網頁 編輯