廣東樹木公園
廣東樹木公園（粵拼：gwong2 dung1 syu6 muk6 gung1 jyun2）係中國廣東省廣州市嘅一間公園，位於廣州市天河區廣汕公路233號，前身係天河區廣東省林院嘅樹木標本園。渠成立於1998年，係當時廣州市政府規劃話整多200公頃綠地工程嘅其中一部分。呢間公園喺1995年俾國務院發展研究中心市場經濟研究所同廣東省人民政府社會經濟發展研究中心話咗係成個廣東省入面，樹種最多嘅樹木公園，重入咗廣東之最。呢間公園分別喺2004年9月同2007年，俾天河區政府話咗係青少年科普基地同廣州市授予科普基地。呢間公園係將生態旅遊、健身娛樂同科普教育溝埋一齊嘅市民公園。
介紹
編輯呢間公園入面有好多樖唔同嘅樹木響度。重有小橋流水同湖光山色嘅景響度。之前嘅國民黨廣東省主席——胡漢民嘅別墅都喺呢間公園入面。呢間公園有20hm²咁大，入面有成1100種從世界各地嚟嘅樹木，其中有56樖國家級保護樹種56種、12樖廣東省級保護樹種。公園入面重有樹木標本區、珍貴速生樹種區、竹子實驗林區、文體娛樂區、水景區、燒烤區、木材同埋臘葉標本館、動物標本館等。另外，呢間公園既係成個廣州市入面，最難得嘅「天然氧吧」；又係廣東林木種源資源嘅保存基地。