濂溪區
(由廬山區跳轉過嚟)
濂溪區（粵拼：lim4 kai1 keoi1）係中國江西九江嘅市轄區。面積548km²，2007年人口29萬。轄3條街道、7個鎮、1個鄉、2個科所。呢度靠近廬山，有好有國內外遊客人氣嘅廬山休養度假村，譽為「京九重鎮，鄱陽明珠」。於1980年首度設區，叫郊區（gaau1 keoi1），1984年因爲廬山改名爲廬山區（lou4 saan1 keoi1），2016年4月29號改名做濂溪區。
- 街道：十里街道、五里街道、七里湖街道
- 鎮：姑塘鎮、威家鎮、新港鎮、蓮花鎮、賽陽鎮
- 鄉：虞家河鄉、高壠鄉
- 科所：廬山林科所
史
編輯當地嘅廬山度假村喺1800年代由歐美人所起，喺炎夏時節廬山地方係個「天然冷氣房」，吸引週邊城市、遊客來避暑。
喺1949年之前，廬山地方係國民黨軍隊嘅訓練地、集結地。而民國總統蔣介石亦都時不時來廬山度假。1946年美國特使佐治馬蘇將軍就喺呢度同蔣介石傾二戰之後中國嘅國際地位、角色。
自1949年建立中共政權，呢度就係有名嘅中共中央會場。1959年、1961年、1970年喺度開過三次大會，稱之為「廬山會議」。
2016年4月29號，廬山區改名做濂溪區，將牯嶺鎮劃畀新成立嘅廬山市，原先嘅海會鎮分開兩部分：劃出7條村（高壠、廬山水泥廠、五星、雙壠、銀門、谷山、青山）成立高壠鄉，歸濂溪，淨低嘅6條村（海會、廬星、彭山、長嶺、五洲、光明）造成海會鎮劃畀廬山市。另外賽陽鎮嘅廬山雲霧茶場（含剪刀峽景區入口）、廬山茶科所，蓮花鎮嘅蓮花林場，海會鎮嘅廬山茶場劃畀牯嶺鎮，歸曬廬山市。
氣候
編輯年均温17.1℃，年均降水量1412.4mm，無霜期263日。