建築工程係起樓、建築物、路同埋各種基建嘅過程。
做緊建築工程嘅地點就叫建築地盤（又叫做建築工地、施工地盤，簡稱地盤，錯寫建築地盆）。佢範圍通常會有建築圍板、鐵絲網或者圍牆封閉，有物業管理看更把守，控制人同埋物料、機械、車輛出入。所有人可能要登記身份同埋戴安全帽頭盔、工作證等。
