引力透鏡

引力透鏡，萬有引力現象，光通過物體引力場，光綫屈行，亦叫重力透鏡。叫透鏡，查實有啲誤導。佢唔似平時見透鏡，有焦點。佢會生出多重影像，又或成圈等等。皆因光愈近心屈得愈勁，光直向心就成圈，偏離就斷弧。引力透鏡現象，愛因斯坦個廣義相對論有推論，一九一二年尚未出版物有提及。牛頓物理學都可計到屈曲，但程度得廣義相對論一半。一九三七年，已推斷銀河星團可能有引力透鏡，一九七九年證實。

假想引力透鏡。圖中心有個見唔到質點。水色為無透鏡情況，白色為有透鏡情況。光左向右掃，引力透鏡成多重影像。到近心就成圈。遠離就回復多重影像。

現今分類有強透鏡、弱透鏡同微透鏡。強透鏡就似成圈，叫愛因斯坦環。弱透鏡祇能經統計變化得出。微透鏡唔會變形，得光強弱變化。

引力透鏡唔祇對可見光有作用，所有電磁波譜都會。