引體上升

引體上升（粵拼：jan5 tai2 soeng6 sing1；英文：pull-up）係一種力量訓練，用嚟訓練上身肌肉嘅。訓練者要拉起自己嘅體重，亦可以係自己對腳上面吊啲嘢增加重量。

一位美國海軍士兵喺度做引體上升。

做引體上升動作，可以用嚟練習背肌，要將個人挺胸修腹再拉上去，發力點由背肌出發，要感受到背景嘅肌肉都出力先可以叫做成功，不過有啲人反而用多咗二頭肌拉自己上去，嚴格嚟講係唔能夠太過要求將個頭過條 bar（粵拼：baa1），原因係因為當個人太過將個焦點注重要過條Bar時候，個人條頸就會好自然噉伸咗出去就條 bar，形成一個頭向前，身體反而喺後面嘅情況出現（類似有寒背嘅感覺）。呢個情況一般認為係極唔理想。