張亞莉

張亞莉（2017年前叫張馨月）係臺灣女主持人同演員，1992年加入臺灣電視公司而出道，而家係客家電視台旗下嘅主持人。

個人簡歷

佢係大女，喺苗栗頭份嘅客家庄長大，小學三年級嘅時候幫父母煮飯畀細佬妹食，因為咁開始接觸廚藝，高中時加入戲劇界演出舞台劇，1992年報考臺灣電視公司演員並獲得錄用，曾演出多部電視劇，2004年同現任老公劉士民（原名劉越逖）再婚，結婚後逐漸淡出演員工作，轉而投身廚藝界，擔任客家電視台嘅飲食節目主持人及廚藝老師，並於2018年出版首部著作《亞莉的好客廚房》，推廣客家飲食文化。