強制檢測公告（英文：Compulsory Testing Notice）係香港特別行政區政府因應武漢肺炎香港疫情所採取嘅措施，政府有權強制符合特定條件嘅人進行武漢肺炎檢測。
由2021年4月30號發出嘅強制檢測公告開始，除咗抵港人士以外或者唔涉及變種病毒株嘅個案嘅需強制檢測人士之外，如果已經完成咗武漢肺炎疫苗接種，會被睇成遵從咗強制檢測公告嘅規定，唔使另外再做檢測。
由2021年9月8號開始，任何受強制檢測公告嘅人，一定要去到流動採樣站、社區檢測中心或者認可本地醫療檢測機構進行專業拭子採樣檢測。
