彗星，或彗（音「瑞」），又叫掃把星（符號：☄），係太陽系嘅長軌道細星體，千幾到幾萬米直徑，成份主要係石、冰同埋塵。
彗星平時離太陽遠唔顯眼，但係佢行近太陽嗰陣，裏面嘅冰會蒸發，被太陽風吹向出邊，拖住條尾咁，又似掃把，所以亦叫佢做掃把星。
由於中國古人認為出現掃把星係凶兆，所以後來變成將一啲運氣唔好，連帶身邊人都行衰運忌人，叫做掃把星。《荊州占》曰：「彗星出，必有返者，兵大起，其國亂、亡。」又曰：「彗星見，則敵國兵起，得人者勝。」《玉曆》曰：彗星出見，是謂天地相靡，奇分受兵，必有亡國，若有死主，期不出三年。」
