虹

「彩虹」跳轉嚟呢度。要睇第啲意思，請去【彩虹 (搞清楚)】。

「霓虹」跳轉嚟呢度。要睇燈，請去【霓虹光管】。

「天虹」跳轉嚟呢度。要睇電視劇，請去【天虹 (電視劇)】。

虹（粵拼：hung4）係光學有關嘅自然現象，太陽射光入地球大氣嘅濕氣，水滴將光折射成光譜。睇起上來就係彩色栱形，外紅內紫，所以又叫做彩虹（粵拼：coi2 hung4）。而佢掛響天，又叫做天虹。有時重會睇到外便有條淡啲，色譜相反，係內紅外紫。主要嗰條叫，虹，弱嗰條叫霓，或者副虹。

虹有古名，喺東面係螮蝀（讀帝東），或寫蝃蝀。西面見係隮。《詩經》《邶風》嘅《蝃蝀》有寫，「蝃蝀在東，莫之敢指。」《爾雅》《釋天》寫「螮蝀，虹也。」古時諗爲虹係天地淫氣。

色編輯

虹嘅光譜係連續，不過牛頓將佢分段成七色，紅橙黃綠藍靛紫。而唐人就將佢讀成紅橙黃綠青藍紫。

虹通常雨後或者瀑布度出現，太陽光可以直透，而水點充響空氣。

古時唐人將佢睇成係蟲，所以從虫部，而英人就將佢睇成弓，所以叫Rainbow。

瀑布都可以造虹

呢度出啲對象顏色係經過處理。所以喺唔同瀏覽環境，出嘅色未必啱返演示嗰種色。

虹形嘅嘢都叫虹，好似虹吸管咁。另外五顏六色嘅，叫霓虹。