彭定康 男爵(英文Christopher Francis Patten, Baron Patten of Barnes,成為香港總督前嘅譯名係柏藤1944年5月12號—)係英國保守黨政治人,曾經做過環境部長、保守黨主席同埋最後一任香港總督香港人一般稱呼佢做「肥彭」。

彭定康
姓名原文Chris Patten
出生日1944年5月12號 喺Wikidata改呢個 (79歲)
出生地Cleveleys 喺Wikidata改呢個
國籍英國 喺Wikidata改呢個
母語英文 喺Wikidata改呢個
識嘅語言英文 喺Wikidata改呢個
信奉天主敎 喺Wikidata改呢個
母校Balliol College、St Benedict's School 喺Wikidata改呢個
職業政治人、教育學家、作家、adviser 喺Wikidata改呢個
僱主牛津大學英國廣播公司聖座 喺Wikidata改呢個
政黨保守黨 喺Wikidata改呢個
仔女Alice Patten 喺Wikidata改呢個

政治生涯 編輯

1966年,加入英國保守黨研究部,到咗1974年做埋呢個部門嘅主管。

喺1979年大選,彭定康幫英國保守黨寫咗唔少競選宣言,佢自己亦當選做巴斯選區嘅下議院議員。

1989年7月,彭定康首次晉身內閣,出任環境大臣。

1990年11月,接替戴卓爾夫人做英國首相嘅馬卓安(Sir John Major)委任彭定康做蘭卡斯特公爵領地總裁兼保守黨主席。英國保守黨喺彭定康做緊保守黨主席嗰陣時,意外贏到1992年大選。不過,佢自己就喺呢次選舉輸俾對手,無咗巴斯選區嘅下議院議席,從此退出下議院。

1992年,馬卓安委任彭定康做第28任港督,直至香港主權移交。彭定康喺呢一年10月,發表任內第一份施政報告,報告提出政改方案,建議1995年嘅最後一屆香港立法局選舉大幅增加直選議席,取消所有委任議席,又新增九個功能組別(簡稱「新九組」),令所有在職人士都有資格投票(變相令呢九個議席成為直選議席)。搞到中國政府非常嬲,當時嘅港澳辦主任魯平更大鬧彭定康係「千古罪人」。佢嘅政改方案喺1994年6月30號得到立法局通過,並喺1995年香港立法局選舉落實。而北京就表明放棄「直通車」(原本中英雙方協議最後一屆立法局議員可以全部過渡成為特區第一屆立法會議員嘅安排),唔會畀呢一批立法局議員過渡到特區第一屆立法會,而係成立臨時立法會(簡稱臨立會),用嚟喺香港主權移交之後,第一屆特區立法會成立之前,可以通過晒一啲特區成立時「必不可少」嘅法律。而彭定康自宣佈政改方案以後,任內亦再冇同中共領導人會面。

卸任港督以後,喺2000年2004年歐盟外交事務專員,2005年封為英國終身貴族,晉身上議院,封號巴恩斯男爵。

另外,彭定康喺1999年獲聘任做紐卡素大學校監,2003年又選做牛津大學校監。2012年6月20號,佢就以牛津大學校監身份,親自向緬甸反對派領袖昂山素姬頒授榮譽博士學位(個學位應該喺1993年畀昂山素姬,但係嗰陣時昂山素姬畀緬甸軍政府軟禁緊)。

因應香港局勢一直惡化同埋中共干預香港事務,閹割香港民主制度等事宜,佢不時公開發聲批評北京政府,又要求英國對香港人給予更多嘅支持[1]

喜好 編輯

參考 編輯

  1. Storm.mg (2021-03-06). 國兩會京擬改香港選舉制度 美國出聲譴責:這是在攻擊民主-風傳媒. www.storm.mg (臺灣中文). 原先內容歸檔喺2021-03-13. 喺2021-03-31搵到.
  2. 彭駕到挈蛋撻舖開20分店 笑言應有股份 | 蘋果日報. Apple Daily 蘋果日報 (香港中文). 原先內容歸檔喺2021-04-02. 喺2021-03-31搵到.

出面網頁 編輯