彼得·沙尼
彼得·沙尼（粵拼：pei2 dak1 saa1 nei6；英文：Peter Sharne；1956年3月22號—）係退役嘅澳洲國家足球隊國腳，新南威爾士州悉尼人，司職翼鋒。
| 個人資料 | |||
|---|---|---|---|
| 全名 | Peter Sharne | ||
| 生日 | 1956年3月22號 | ||
| 出生地 |
 澳洲新南威爾士州悉尼 | ||
| 位置 | 翼鋒 | ||
| 青年軍 | |||
| 球會 | |||
| 馬可尼 | |||
| 利物浦城 | |||
| 南區 | |||
| 效力過嘅球會 | |||
| 年 | 球會 | 上陣 | （入波） |
| 1977–1982 | 馬可尼 | 142 | （56 ） |
| 1983 | 利查特 | 11 | （1 ） |
| 1984–1988 | 馬可尼 | 35 | （5 ） |
| 代表隊 | |||
| 年 | 代表隊 | 上陣 | （入波） |
| 1977–1981 | 澳洲 | 23 | （8 ） |
生平
編輯1977～1988年多數效力馬可尼球會。佢喺澳洲全國聯賽踢咗夾埋186場比賽[1]。
1980年代初又俾球會外借到香港甲組嘅東方足球隊踢咗兩季。由於佢速度快射術好，喺香港甲組足球聯賽踢波期間，畀香港波迷改咗個花名做「子彈沙尼」[2]。
1981年10月16號，沙尼喺港甲處子登場，喺東方對愉園嘅比賽中，幫東方以三比一打敗愉園，重入咗一球[3]嗰陣時嘅東方教練黃興桂對外擾表現大感滿意[4]。
喺1981-82球季，沙尼喺港甲射入十五球，得銀靴獎，僅次於射入十七球嘅精工球員史唐[5]。
1982年，香港足總派出起用5位外援組成港聯隊而出戰省港盃，最終擊敗廣東隊奪標。嗰時沙尼係5個外援球員之一[6]。1985年佢返到澳洲嘅馬干尼球會，踢到1988年退役為止。
佢曾經係澳洲國家隊國腳。第一次代表國家隊比賽係1977年8月喺墨爾本舉行嘅「澳洲對伊朗」嘅世界盃外圍賽中，以後備身份換入；之後佢分別喺1978年同1982年嘅世界盃外圍賽中代表澳洲出賽。佢一共40次代表澳洲出賽，其中23場賽事屬國際A級賽事，總共喺國際賽中為澳洲射入10球[7]。
借用風波
編輯根據香港報章嘅報導，沙尼喺1983年秋天返回澳洲後，發生咗一段借用費風波。東方足球隊喺1983年10月向傳媒講，原本借用沙尼畀澳洲馬可尼球會只係借用到九月底，但十月澳方仍然派佢上陣，而且未畀三千澳幣借用費[8]。東方足球隊話，沙尼係佢哋以三十萬元向馬可尼球會收購，所以沙尼嗰時仍屬東方[9]。之後，東方透過香港足總，要求將事件交到國際足協做仲裁[10]。
國際足協喺1984年初發出通知，要求沙尼當時效力嘅利查特球會向東方足球隊邀付三千元澳幣[11]。 一月底，嗰時嘅東方主席林建名向傳媒講，沙尼打長途電話向佢哀求減低轉會費，指澳洲球會唔願畀錢，佢自己願意自掏荷包，但係佢只能夠攞得出一萬五千澳紙，而且佢就快結婚，希望東方遷就，放佢一馬；但林建名話佢出咗五萬澳元收購沙尼，最少也要收番三萬[12]。
到咗二月中，東方透過足總，正式向利查達球會追討[13]。最終，雙方喺三月初達成協議。東方書面知會足總，指澳方願意用一萬五千澳幣價錢，向東方收購沙尼，而希望東方能盡早應承簽發一張為時七日嘅臨時轉會紙，令沙尼可以喺三月四日代表球會出賽。澳方願意喺兩星期內，先畀一萬澳幣，餘數則分四個月清付。至於臨時轉會紙嘅有效日期，就寫係由三月三日至九日[14]。
攷
編輯- ↑ Peter Sharne, Football player
- ↑ 〈「東方皇朝」今昔〉。原著喺2015年6月30號歸檔。喺2016年10月23號搵到。
- ↑ 東方三鬼拍門攻勢強悍 3-1愉園首嘗敗績 《華僑日報》，第三版第四頁，1981年10月17號
- ↑ 。東方新三援技優 首次合作演出良佳 《華僑日報》，第三版第四頁，1981年10月17號
- ↑ 生力神射手獎 今在利園頒發 《大公報》，第二張第八版，982年6月15號
- ↑ 〈HKFA-News:省港盃回憶錄（四）〉。原著喺2016年3月5號歸檔。喺2016年10月23號搵到。
- ↑ Sharne|National Football Teams
- ↑ 澳洲球會借用沙尼 期滿仍續派遣上陣 《工商日報》，第六頁，1983年10月26號
- ↑ 沙尼在澳洲出賽 東方索取借用費 《大公報》，第二張第八版，1983年10月27號
- ↑ 澳洲球會借用沙尼 未照協議交付費用 東方請足總代為追討 《工商日報》，第六頁，1983年11月15號
- ↑ 國際足協限澳洲足總 二月一日之前須解決 《工商日報》，第六頁，1984年1月4號
- ↑ 沙尼向林建名求情 希望將轉會費降低 東方願減至三萬元澳幣 《工商日報》，第四頁，1984年1月23號
- ↑ 借用沙尼超出期限 東方向利查達索償 《工商日報》，第三頁，1984年2月17號
- ↑ 東方答允馬可尼 預支沙尼踢一場 《工商晚報》，第二頁，1984年3月3號