彼得前書
《彼得前書》（希臘文：Πέτρου Α΄）係耶穌十二使徒之一嘅彼得寫畀當時喺小亞細亞幾間教會嘅信。時間大約係公元60年。
簡介
編輯作者：彼得
日期：64年夏天
地點：羅馬
收信人：小亞細亞五個省分嘅信徒，以外邦信徒佔多數，混合猶太信徒。
彼得前書係寫畀散居喺亞細亞北部嘅基督徒，信裏面叫佢哋做「上帝嘅選民」。呢卷書主要目的係鼓勵為信仰受苦難同迫害嘅信徒。作者再次用耶穌基督嘅福音，佢嘅死、復活同再來嘅應許勸勉佢哋，使佢哋滿有希望。為咗噉，佢哋一定要忍受苦難，確信苦難係對佢哋信心嘅考驗，同埋會使佢哋喺「耶穌基督顯現嘅日子」得到賞賜。
作者唔單只鼓勵信徒點樣面對患難，同時亦勸告佢哋喺生活上表現出佢哋係屬基督嘅人。
提要
編輯- 序言（1章1-2節）
- 提醒有關上帝嘅拯救（1章3-12節）
- 勸勉點樣過聖潔嘅生活 （1章13-2章10節）
- 患難中基督徒嘅責任（2章11-4章19節）
- 基督徒嘅謙卑同服務（5章1-11節）
- 結語（5章12-14節）