後尾枕，又叫後枕，係人頭後面，頸對上嘅部位，入面有枕骨保護頭腦。人瞓觉時，後尾枕枕落枕頭度。
俗語有云，鬼拍後尾枕，卽係話人，唔經唔覺，本來唔想講，唔應該講嘅嘢，講埋出來。講通常都係祕密，或者做啲衰嘢，唔想人知。舊時會認爲係畀鬼拍後尾枕，鬼力吐真言。
亦有謂後尾枕，涼浸浸。舊時認爲係畀鬼摸咁所致。或者係周圍陰森恐怖，得出來嘅感受。
