後梁,又叫朱梁,係五代十國頭一個朝代,907年由朱溫立國,923年由朱友貞亡國。

後梁嘅版圖用橙色表示

907年,梁王朱全忠(朱溫)迫唐昭宣帝禪位畀自己,後梁建立。912年,朱溫畀自己個仔朱友珪發動政變殺咗。朱友珪第二年又畀人發動政變殺咗。朱友珪嘅細佬朱友貞登基做皇帝。

後梁一直都同晉國(923年變咗做後唐)對立,923年後唐軍打敗王彥章之後,迫近首都大梁,梁軍剩低嘅主力唔喺大梁度,朱友貞知道擋唔住唐軍入大梁,就叫人殺咗自己,後梁滅亡。