後生，即係青春，係人生一個階段，細路同大人之間，又或者係由青少年開始發育做成人，到成人初期。佢哋經歷青春期同性成熟（英文：Sexual maturation）。點爲之後，各有各講，通常十幾歲到廿八歲嘅人，或者早啲。後生亦係相對嘅，一老人家話一個人後生，嗰個人可以係超過十二歲嘅。呢段時期，啲人叫佢哋後生仔、後生女或者𡃁仔，學術啲叫青少年。
後生唔一定指年紀，有時都講心態，會講成係有衝動去實現一啲嘢，鍾意幻想，想做就做多過前思後想，鍾意冒險多過舒舒服服。
