微調宇宙粵拼mei4 tiu4 jyu5 zau6英文fine-tuned universe)係宇宙論證嘅一種。根據呢種觀點,物理學上嘅發現指出咗,宇宙入面有好多物理常數嘅數值都係啱啱好令到宇宙適合生命存在嘅,而呢啲物理常數嘅數值衹要郁(例如) 0.001% 都會令到宇宙唔適合生命存在。舉個例子說明,物理學家模擬過,強作用力(strong force)衹要勁多 2%,就會影響到核聚變作用,搞到太陽冇能力發光發熱維持地球上嘅生命。根據相信微調宇宙觀點嘅人,呢啲物理數值之所以會啱啱好適合生命存在,冇乜可能純粹嘅巧合,一個比較合理嘅解釋係,宇宙由某啲高層次嘅智能所創造,而呢個智能特登喺設計宇宙嗰陣將呢啲物理常數設到啱啱好適合生命存在。於是就可以推導出一點-造物主存在,而且佢想要宇宙有生命[1]

編輯

  1. The case for Deism...or not? 互聯網檔案館歸檔,歸檔日期2019年10月29號,..