德國旗

德國旗，係代表德國嘅旗。旗長闊比例3:5，上中下分別係黑、紅、金三隻色。

德國旗

呢面黑、紅、金三色旗最早出現响19世紀早期，1848年德國革命開始正式使用。短命嘅法蘭克福國民議會（1848–1850）提議用三色旗做民主化德國聯邦嘅旗。一次大戰之後成立嘅威瑪共和國亦都用呢面旗做德國旗。二次大戰之後嘅聯邦德國、民主德國都將呢面三色旗作為自己嘅旗，直到1959年東德响三色旗上加上德意志民主共和國國徽前，呢兩個德國嘅國旗係完全一樣嘅。直到1990年10月3號東西德重新統一後，黑、紅、金三色旗再次成為德國旗。