心律過慢

心律過慢（英文：Bradycardia）係一個醫學詞彙，指心臟跳得比標準慢。

心律過慢嘅心電圖

上圖係正常心律，對比下圖心律過慢嘅心電圖

概述

心律過慢指一個成年人喺靜止狀態下，心臟每分鐘跳動少於六十下。一般嚟講，心律慢未必有問題。但如果心律慢得太交關嘅話，可能會引致患者攰、虛弱、瞌眼瞓、或者暈低。

當一個人瞓緊覺嘅時候，心律跌到每分鐘四十至五十下依然係正常嘅。經常鍛鍊嘅運動員嘅心律亦通常比普通人慢。例如職業單車選手Miguel Indurain 休息時嘅心律就只有每分鐘廿八下。

但係，心律過慢亦有可能係心臟嘅電路系統有毛病嘅病徵。

詞源

心律過慢（Bradycardia）嚟自古希臘文 βραδύς, bradys 「慢」， 同埋 καρδία, kardia, 「心」。