心理恐怖psychological horror)係恐怖故仔嘅一個子文類,特徵係集中用角色嘅心理情緒狀態嚟嚇讀者觀眾。心理恐怖通常會講到一啲精神上唔穩定嘅角色,簡單嘅例子有心理變態嘅殺人狂,又興用大量因為心理因素而起嘅含糊性(例:「頭先主角見到嗰隻恐怖怪獸,佢到底真係存在定係只係主角嘅幻覺?」)嚟加強故仔嘅懸疑感同建造一股令人不安嘅氣氛。