忽必烈(蒙古話:Хубилай хаан1215年9月23號1294年2月18號),全名孛爾只斤忽必烈或者奇渥溫忽必烈,廟號元世祖,係元朝嘅第一個皇帝

忽必烈畫像
忽必烈畫像

佢係成吉思汗個孫,阿爸係元睿宗。忽必烈專門負責南攻。喺佢治理底下,曾經引進咗一啲漢族人黃河一帶地方,好似劉秉忠許衡姚樞等等。

1259年,忽必烈阿哥、大汗蒙哥(元憲宗)過身。1260年,忽必烈自立做大汗。忽必烈細佬阿里不哥亦都畀人擁立做大汗。兩兄弟爆發內戰,最終阿里不哥喺1264年向忽必烈投降。

1260年,忽必烈封八思巴國師

1264年忽必烈做咗皇帝,將首都定喺大都(今日北京)。但四大汗國其中三個,都唔妥忽必烈,決定自己搞獨立。於是忽必烈實際管到嘅,就只有中原同蒙古一帶。

1271年,將國號改做「大元」。

1279年忽必烈滅咗南宋。之後佢繼續攻向海外,試過三次打日本都衰咗。打真臘(今日柬埔寨)最後只可以派使講和。

忽必烈臨老病痛多多,最後喺1294年病死喺宮入面。之後由佢個孫元成宗鐵穆耳繼位。