恆河鱷

恆河鱷，又名食魚鱷。係一種身體修長、體色為橄欖綠色嘅鱷魚品種。亦係食魚鱷科中唯一現生種類。由於佢個咀似個缽，印度當地話稱缽為「ghara」，所以當地人稱佢為「gharial」，意為「有缽嘅」。英文裏面「gavial」係「gharial」嘅誤記。

How to read a taxobox

恆河鱷

響聖地牙哥動物園(San Diego Zoo)飼養嘅雄性恆河鱷

物種分類

Gavialis gangeticus
(Gmelin, 1789)

生理特徵

恆河鱷有長而窄嘅顎，可以有成 100 隻牙，重多過其他鱷魚，用嚟幫佢哋捉魚。大隻鱷公嘅吻部開端有一個肉質嘅圓形突起，但功能上暫時重未清楚。

恆河鱷係一種淡水鱷魚，主要分布響印度河，恆河，馬哈拉迪河同布拉瑪普特拉河呢 4 條河，以前響孟加拉都有，但而家已經冇晒。

恆河鱷鍾意住響水流又急又深，水質較為好嘅河裏面。喺所有鱷魚中，恆河鱷留響水中時間最長（1 個鐘頭以上），因此爬上陸地後，無辦法似其他鱷魚噉用四肢平穩爬行。雖然恆河鱷係世界上最長嘅鱷魚之一，但未傳出食人事件。

每年3-4月生蛋，響河岸沙地掘窿築巢。每次生30至50隻蛋（聽講更有90隻蛋記錄）。而所生嘅蛋亦係所有鱷魚當中最大嘅。

雌鱷守住鱷魚巢，會有少少攻擊性，係一種警戒心非常強嘅鱷魚。同其他鱷魚唔同，佢個口無咁大，載唔到鱷魚仔，所以孵出鱷魚仔後，雌鱷會引導鱷魚仔落水邊。大約8~12歲時先到性成熟期，嗰時身長已超過3米。

佢同其他鱷魚一樣，因為身上嘅皮係製造皮件嘅原料而遭到捕殺，數量急劇減少。尼泊爾同印度近年嚟推動保育有關鱷魚嘅計劃，現已重新建立恆河鱷嘅族群數目。

雄性恆河鱷Close-up