情感同記憶

情緒同記憶呢兩種心理過程好有關係。假設第啲因素不變，一件記憶愈係令到個個體感受到強烈情緒，個個體就愈有可能會記得佢，呢個就係所謂嘅記憶提升效應。

相關現象

而家想像一個人要喺腦入便評估坐飛機遇到空難嘅機率有幾高，佢喺腦海入便摷返啲記憶，發覺自己好易諗返起「見到電視喺度講空難」嘅回憶，因而就覺得遇上空難嘅機率好高；不過，佢之所以會咁易諗返起空難記憶，並唔係因為呢啲記憶真係出現得特別頻密，而係因為空難記憶雖然出現得唔密，但會引起強烈嘅恐懼，所以特別易諗返起；相比之下，「見到電視報撞車」就成日都發生，頻密到佢啲感覺麻木晒 ——而根據廿一世紀初嘅統計數字，搭車遇上意外身亡嘅機率，明顯大過搭飛機嘅。

睇埋

• 易搵度捷思法

詞彙

• 記憶提升效應（memory enhancement effect）