愛比死更冷 (澳門電影)

愛比死更冷（英文：Love Is Colder Then Death）係一套 2018 年澳門電影，由周國賢、唐瑞雪、唐文龍、梁恩倩、郭永樸、施祖男、古天祥、黃竣鋒演出，故仔以廿世紀九十年代中期澳門仍然係葡萄牙殖民地時期做背景。

呢套戲得到澳門文化局「澳門電影長片製作支援計劃」資助 150 萬。

故仔

廿世紀九十年代中期澳門嘅治安差，由中國內地跟阿媽（梁恩倩飾）同後父標哥（唐文龍飾）嚟到澳門嘅林琦瑋（唐瑞雪飾演）喺澳門中學入面被受排斥欺凌，另一方面，佢個名同班上另一個男同學林奇偉（周國賢飾）差唔多。琦瑋俾人蝦嗰陣得到奇偉嘅出手相助，自此兩人嘅命運就連埋一齊。

兩個睇落平凡嘅中學生，心底同樣背負著重大怨恨。林奇偉嘅爸爸為咗伸張正義而畀黑幫殺害，於是佢着上老豆留低嘅警察制服，希望完成老豆生前嘅心願，用行動制裁嗰啲欺負弱勢嘅澳門黑幫；而一直飽受老母同同學欺凌虐待嘅林琦瑋，細細個親眼目睹自己親生阿爸被繼父標哥搞到變咗植物人，阿媽更離佢父女而去，報仇慾望早已植根喺佢心底。