愛爾蘭共和軍

  提示：呢篇文講嘅唔係愛爾蘭國防軍。

愛爾蘭共和軍（英文：Irish Republican Army；愛爾蘭蓋爾文：Óglaigh na hÉireann）係愛爾蘭島上面嘅一個准軍事組織，前身係1913年成立，發動都柏林復活節起義嘅愛爾蘭志願軍。

愛爾蘭獨立戰爭期間嘅愛爾蘭共和軍

1919年愛爾蘭革命政府成立之後，愛爾蘭共和軍就成為咗革命政府嘅武裝部隊，喺愛爾蘭獨立戰爭當中扮演重要角色。1922年《英愛條約》簽訂咗之後，由於革命政府內部對接唔接受英愛條約產生嚴重分歧，愛爾蘭共和軍因而分裂成兩派，導致愛爾蘭內戰爆發。條約派最後贏咗反條約派，後來重成為咗愛爾蘭共和國嘅武裝部隊——愛爾蘭國防軍，但係反條約派並未停止活動。

1969年，左傾思潮嘅興起引致愛爾蘭共和軍再次分裂成兩派：「臨時派共和軍」同「正式派共和軍」。