愛爾蘭國立大學都柏林分校

  提示：呢篇文講嘅唔係都柏林大學。

愛爾蘭國立大學都柏林分校，又叫都柏林大學學院（愛爾蘭蓋爾文：An Coláiste Ollscoile, Baile Átha Cliath - Ollscoil na hÉireann, Baile Átha Cliath），係愛爾蘭國立大學嘅其中一間分校，曾經位於都柏林市中心地帶，但係宜家絕大部份科系都已經搬咗去都柏林南邊嘅比勒菲爾鎮（Belfield, Co. Dún Laoghaire–Ráth an Dúin）。愛爾蘭國立大學都柏林分校係全愛爾蘭共和國最大嘅大學，有超過1300名教職員工同13000名學生。

紐曼堂，天主教愛爾蘭大學最初嘅校舍

都柏林分校嘅前身係1854年組建嘅愛爾蘭天主教大學（Ollscoil Chaitliceach na hÉireann），1880年改組過一次，1908年愛爾蘭國立大學成立之後，將愛爾蘭天主教大學改組為都柏林分校，正式授權都柏林分校頒發學位。1997年，改名做「愛爾蘭國立大學都柏林分校」。1998年再改名做「都柏林大學學院－愛爾蘭國立大學都柏林分校」。