喺個人理財上，應急資金（英文：emergency fund）係指一嚿攞嚟應急用嘅錢：正路嚟講，一個人梗要有嚿儲蓄攞嚟做應急用－人生成日都會有啲意料之外嘅使費，例如係突然間病咗要睇醫生、架車突然壞咗要攞去整、或者係俾公司炒咗要齋靠儲蓄生活幾個月... 呀噉；喺現代理財上，理財計劃師通常會建議個人起碼有嚿等同佢 3 至 6 個月嘅生活使費嘅錢，攞嚟做應急用[1]。
