成人高等學校招生全國統一考試
(由成考跳轉過嚟)
史
編輯呢種制度最先喺1950年代中嘅大學函授教育同夜大教育、及獨立嘅函授學院、廣播電視大學等機構出嚟[註 1]。除咗函授系列同夜大係由學校單獨招生之外，其他嘅業餘高校都係實行單獨或聯合招生制度，而廣播電視大學畀咗屬下嘅省、市搞。後嚟喺中共十一大三中全會之後開始猛咁發展，演變成從學校單獨招生、直轄市、縣、區到省、自治區到全國統一招生嘅發展。
隨後因為社會上猛咁出現三亂現象[註 2]，1986年，國家教委（今日嘅中華人民共和國教育部）向成人高校搞呢個考試制度嚟提高新生入學質量。
初期定喺每年3～4月報名，5月底考試。但從2004年開始改咗喺每年8～9月報名，10月底考試。
分類
編輯成人高考可以分成高升專、高升本、專升本三種。考完兼錄取咗之後，學習形式可以分成脱產、業餘同函授三種，但學制要兩年半到五年。
高中起點升大專（高升專）
編輯高升專需要讀夠兩年先至有得考試。成考凈考語數外三科，其中外語必須要揀英文、日文、俄文三個是旦一種。
高中起點升本科（高升本）
編輯高升專需要讀夠五年先至有得考試。成考除咗要考到高升專必有嘅語數外三科之外，重要睇文理分科情況而加考。其中文科包括史地，理科包括物化兩科。
專科起點升本科（專升本）
編輯專升本需要讀夠兩年先至有得考試。成考要考到政外兩科，重要睇報考專業嚟考大學語文、藝術概論、哲學、民法、高數、生態學、醫學綜合、教育理論。學制要兩年半。