我們的家
《我們的家》（粵語直譯：我哋嘅屋企）係香港特區政府旗下嘅「憲法和基本法推廣督導委員會」轄下嘅「愛國主義教育工作小組」發佈嘅「愛國主義教育主題曲」，歌詞用粵語填，由鄺美雲主唱，張家誠作曲、編曲、監製，張家誠同陳薔天填詞，喺2024年9月3號推出[1]。
改歌詞事件
編輯《我們的家》副歌第二段歌詞原本係「同行共勉 在洋紫荊護蔭下」[2][3]，但喺同年9月13號（亦即係推出10日後）政府上傳新版本MV，歌詞改成「同行共勉 在金紫荊護蔭下」，即係將「洋紫荊」改咗做「金紫荊」，而YouTube嘅官方原版MV變咗做私人影片，只係得個別媒體轉載嘅原版MV暫時仲睇得到。政府發言人回覆傳媒查詢時話，對歌詞「稍作修訂，加強突顯愛國愛港愛社區情懷，進一步提高宣傳效果」[4]。