戰鬥通行證

戰鬥通行證（battle pass）係常見嘅一種電子遊戲搵錢方法。一張戰鬥通行證係一張買咗之後可以喺一段時間內享受額外內容嘅飛。同一般電子遊戲季票分別在於，呢啲額外內容係要透過玩以及玩嗰陣完成某啲挑戰先可以得到嘅。例：一張戰鬥通行證買咗之後，玩家會有若干個挑戰可以完成（「打贏一場比賽」、「喺一場比賽之內打中對手若干次」、「連贏若干場比賽」... 等等），每完成一個挑戰會得到若干點數，而玩家攞住呢啲點數可以換取飾物或者虛擬錢等佢哋會想要嘅嘢。