戲劇女高音

戲劇女高音（英文：Dramatic soprano）係19世紀後半期出現嘅音色類型，音域為 b—b2 或 c3。聲量同力度，可以用「氣壯山河」嚟形容，通過爆發噉大跳音程同誇張嘅節奏輪廓，嚟表現煩躁不安嘅情緒。因為戲劇女高音要發展成熟，需要非常耐嘅時間，好多的戲劇女高要一直等到接近40歲先會完全發展出聲音嘅音量同強度。

正因為戲劇女高音擁有其他種類女高音冇嘅大聲量同聲音強度，所以通常喺歌劇中係用嚟飾演性格強烈嘅女子，唔同抒情女高音噉樣楚楚可憐嘅形象，戲劇女高音所強調就係有血有肉，充滿強烈嘅愛恨情愁，其中最為大家所熟知嘅戲劇女高音角色就係圖蘭朵公主，喺呢套劇入面甚至有一個段落，作曲毫不留情噉要求女高音必須用最強嘅音量同最高嘅音高同所有嘅管弦樂團同合唱團對抗，必需要壓過所有人嘅最強音。戲劇女高音經常被要求必須將音量馬力開到最大，所以呢類型嘅聲音好容易唱到倒嗓，一世都唔可以再登上歌劇舞台，令到唱呢個類型嘅人好稀少^[1]。