房曉輝

房曉輝博士（Tony Fang, PhD）係一個喺瑞典斯德哥爾摩大學嘅教授，佢被指係中共統戰機構廣東省同廣州市政協代表、國務院僑務辦公室外國專家咨詢委員會委員、中國歸國華僑聯合會（FROC）顧問。

房曉輝分別係1984年同1987年考到上海交通大學船舶同海洋工程理學學士同碩士學位，1999年得到瑞典林雪坪大學（瑞典文：Linköpings universitet）工業行銷、工業經濟博士學位。1998佢曾經喺美國麻省理工學院政治學系擔任訪問學者。喺任教斯德哥爾摩大學之前，佢喺斯德哥爾摩經濟學院（瑞典文：Handelshögskolan i Stockholm）嘅國際商業研究所工作。

2024年10月，喺美國智庫詹姆斯敦基金會（英文：Jamestown Foundation）聯同七個國家嘅專家同記者，披露中嘅中共統戰嘅全球網絡分佈點，包括103個組織同233人，而房曉輝同北歐創新中心主席張巧珍就榜上有名。房被指喺瑞典幫中共進行統戰工作，不過房就否認，解釋佢係因爲工作關係需要同其他人交流討論。