《打死不離3父女》（Dangal）係2017年一部印度波里活電影，改編自一位印度摔跤運動員嘅事跡。雖然套戲個名似《作死不離3兄弟》，但除咗一樣係印度出品之外，就無其他關係。呢套戲係全球最賣座嘅印度電影，打破咗2014年《來自星星的PK》嘅紀錄。
前印度摔跤運動員瑪哈維，一直希望培育下一代成為金牌選手，為國爭光，可惜生唔到仔，連續生咗四個女，令佢幾乎放棄夢想。佢喺好偶然之間發現兩個女吉塔同芭碧塔竟然擁有摔跤天份，打交比男仔重兇狠。於是決定要訓練佢哋成為No.1摔跤選手！過程中，3父女要打低嘅唔只係比賽對手，重有男尊女卑嘅社會觀念、各種攻擊性嘅輿論同歧視。
