抗體,又叫免疫球蛋白,係一種Y形結構嘅蛋白質,由B淋巴細胞分泌到體液度,作為免疫系統嘅一部份, 又可以叫做液性免疫,去用嚟抵抗外來物質(叫抗原,譬如細菌)。

抗體示意圖

抗體可以細分成五個類型,每一個類型都有屬於自己嘅特性同功用。要制造抗體去認得唔同嘅抗原係需要經過一連串嘅反應, 而呢一連串嘅反應係包括B淋巴細胞係未接觸到抗原嘅情況下已經進行, 當中體基因重組 (Somatic Recombination), 又可以細分叫做V(D)J片段重組 (V(D)J recombination),係B淋巴細胞發展成熟嘅初期發生, 隨機改變每一個成熟緊嘅B淋巴細胞制造抗體嘅基因, 從而改變佢哋之後制造出嚟抗體嘅結構。呢種基因上嘅改變係令到身體可以制造超過1012 種類大抗體。呢種特質係免疫系統強大嘅原因之一[1] 如果制造出嚟嘅抗體係同自己身體上嘅抗原有吸引力, 而呢種吸引力係有機會傷害自己身體嘅細胞,我哋身體就會進行群落剔除 (Clonal deletion)去剔除制造呢種抗體B淋巴細胞。當認定咗發展緊嘅B淋巴細胞係唔會同自己身體上嘅抗原有吸引力, 就會分化成有免疫活性 (immunocompetent)嘅B淋巴細胞, 隨時等待抗原嘅入侵。

株落選擇 (Clonal selection)係一個身體機制去揀合適嘅B淋巴細胞去對抗入侵緊嘅抗原。株落選擇可以諗成有一堆免疫活性B淋巴細胞, 全部自身嘅細胞膜外有唔同結構嘅抗體, 又可以叫做 受體 (Receptor)。每一個受體都因為以上提過嘅V(D)J片段重組而有唔同嘅獨特性或者特異性 (Specificity)。

親和力成熟 (Affinity maturation) 改變抗體同抗原之間嘅吸引力。

假如監管呢類反應嘅機制有問題嗰時, 就會製造出對抗自己身體組織的抗體, 導致自身免疫疾病 (Autoimmune disease)。

抗體除咗作為免疫系統去保護身體之外, 佢仲有好廣泛嘅應用。作為臨床上嘅藥物去醫治癌症, 包括多發性骨髓瘤, 預防Rh陰性母親的異型免疫反應同埋提供後天免疫系統 (Passive immunity)。抗體嘅獨特性或者特異性可以提供醫療診斷嘅作用。

  1. Alberts, Bruce; Johnson, Alexander; Lewis, Julian; Raff, Martin; Roberts, Keith; Walter, Peter (2002). The Generation of Antibody Diversity (英文). Garland Science.