指標 (電腦科學)

指標（pointer）廣義上係指任何指住另外一件嘢嘅位置嘅值^[1]^:56；狹義上，做程式編寫嘅時候講嘅指標通常指指住記憶體入面嘅某件嘢嘅位址。喺高階程式語言，指標係代表某樣嘢嘅位址嘅一類資料類型，好多程式語言都有。視乎語言，｢嘢｣可以包括數據、物件、甚至係子程式。

喺概念上，指標同位址係同一樣嘢（低階語言叫位址，高階語言叫指標，因為佢｢指｣住某件嘢），分別係指標通常帶有類別，例如整數嘅指標同字串嘅指標係唔同類型，通常唔可以溝亂用。

非常高階嘅語言通常唔鼓勵用指標，甚至唔支援指標。