挑戰者1號
提示：呢篇文講嘅唔係挑戰者號。《
| 挑戰者1號 | |
|---|---|
 | |
| 資料明細 | |
| 導演 | 史匹堡 |
| 監製 | |
| 編劇 | Zak Penn[*] Ernest Cline[*] |
| 劇本 | |
| 原著 | Ready Player One[*] |
| 主演 | Olivia Cooke[*] Ben Mendelsohn[*] T.J. Miller[*] 泰謝里丹 Mark Rylance[*] Lena Waithe[*] 西蒙柏奇 森崎温 Hannah John-Kamen[*] Susan Lynch[*] Ralph Ineson[*] Perdita Weeks[*] Clare Higgins[*] 麥根娜·姬絲 Lulu Wilson[*] Philip Zhao[*] Gem Refoufi[*] |
| 配樂作曲 | 艾倫·西維斯特里 |
| 攝影 | 亞努斯·卡明斯基 |
| 剪輯 | 米高簡尼 |
| 製片商 | |
| 片長 | 2個鐘頭又20分鐘 |
| 產地 |  美國 |
| 話 | 英文，少量日文[註 1] |
| 上畫同發行 | |
| 上畫日期 | 保加利亞：2018年3月30號 德國：2018年4月5號 丹麥：2018年3月29號 2018年3月11號 法國：2018年3月28號 |
| 發行商 | 華納兄弟 |
| 預算 | US$1.75億 |
| 票房 | US$3.99億[1] |
2016年7月，部片先後喺英國英格蘭伯明翰同埋美國俄亥俄州入面攞景，2018年3月11號首映，入面借鑒咗部份遊戲同卡通節目嘅元素。
劇情
編輯2045年，地球好多地方變成少數族群區，啲人為咗避開現實而入咗「綠洲」（英文：OASIS）嘅虛擬世界入面玩、做嘢同搵彩蛋。而所謂嘅「彩蛋」俾綠洲創辦人——占士哈利迪（英文：James Halliday；1975—2035）收埋咗，重聲明邊位最先喺綠洲搵到彩蛋嘅，有綠洲嘅經營權同大量嘅哈利迪屬下遺產而吸引咗好多玩家去搵。IOI廠商爲咗搵彩蛋重招咗好多玩家嚟挑戰呢樣點都搞唔掂嘅任務[註 2]。另外，重有好多喺企業差債務啲人都逼住喺契約中心（英文：Loyalty Center）搞同遊戲有關嘅勞工。但因為呢個遊戲實在超級難玩，長年玩完第一關就GAME OVER[註 3]。
韋德屈斯（英文：Wade Watts）同佢姨媽一齊住喺哥倫布，佢喺綠洲以 PARZIVAL 做玩家名，同佢老友艾川一齊合作搵彩蛋，點知喺第一關識咗雅蒂米思重幫佢避開「重新嚟過」[註 4]嘅尷尬局面。佢哋為咗搵過關計仔而收錄咗哈利迪在生嗰時成日去嘅博物館入面搵料，點知哈利迪得知老友記——奧登莫勞（英文：Ogden Morrow）離開咗呢間公司，諗住「點解唔返去以前搵返啲線索」噉。韋德喺下次比賽開波嗰時，搵到原嚟喺起跑綫倒車入隱藏路綫而搵到橙鎖匙同第二關嘅線索。而雅蒂米思、艾川同大刀、阿細班觀音兵跟埋韋德去到終點搞掂第一關。
韋德、雅蒂米思、艾川同大刀、阿細班觀音兵過咗第一關入咗 Innovative Online Industries (IOI) 排行榜，IOI 諗住查出原先過咗第一關嗰五位嘅真實身份，由於韋德介紹自己本名畀雅蒂米思結果俾獎金獵人——i-R0k收到水之後，立令佢屬下嘅芬納蕾炸咗韋德嘅住所。結果韋德嘅住所被炸，家人冚唪唥掛老嚫。而韋德俾雅蒂米思喺現實世界入面救返出嚟，重匿埋喺雅蒂米思嘅眞實身份——莎曼花古克（英文：Samantha Cook）嘅住所。兩條老友知哈利迪之前同後嚟同基拉搞過約會，重喺哈利迪博物館贏咗攞到US$0.25同線索。隨後入咗第二關——《閃靈》之後，任務要喺5分鐘之內搵到賓絲先至有下條鎖匙。喺玩緊第二關半佬出現好多鬼古嘢，隨後喺間猛鬼舞廳入面搵到賓絲重要帶到安全地方先至攞到綠鎖匙同第三關嘅線索。
隨後，IOI發現咗莎曼花喺邊度住重綁埋走，而韋德、大刀同阿細俾現實世界嘅玩家救咗，四人以艾川嘅厢型車做據點打游擊戰。佢哋發現IOI喺第三關出面整咗陷阱，韋德向冚唪唥OASIS玩家現場直播發咗消息，命令啲人一齊集中搞掂IOI。韋德、大刀同阿細嗌埋其它玩家一齊對抗六數人而入咗《魔幻歷險》嘅遊戲。索倫托爲咗收拾韋德，重勒令熄嗮同嗰個超難遊戲有關啲短片同直播，重要求將冚唪唥玩家都GAME OVER重新嚟過[註 4]。但已經太遲喇，因爲館長畀咗韋德接機嘅機會而畀韋德繼續玩，加上大刀出咗高達事先將波士打到三唔識七，相反IOI總部嘅遊戲機解鎖密碼洩漏咗而俾韋德第一時間睇通睇透。入到最後場景——冰川地帶之後，韋德根據推斷，因為IOI嘅目的有輘輷，所以唔打算先玩《魔幻歷險》，而係搵出攞最後一條鎖匙嘅關鍵——電子遊戲史上第一個被發現嘅彩蛋。經過摸索，韋德卒之搵到彩蛋重攞埋白鎖匙過埋第三關。
韋德過咗第三關無耐，重攞之前收集嗰三條鎖匙將最終光之大門打開埋而成功爆機。哈利迪諗住將綠洲嘅經營權轉畀佢，點知韋德估到會係莫勞離開公司嘅下場，咁啱條橋又係哈利迪一世最大嘅遺憾。結果韋德有理冇理，一於唔簽合同，重同哈利迪玩拋書包。哈利迪將彩蛋同銷毀綠洲啲數，畀嗮韋德孭飛。
結果索倫托同埋芬納蕾一齊俾差人因多條罪行嘅理由而拉咗入差館，令IOI出現大規模重組同轉型。韋德連同雅蒂米思、艾川同大刀、阿細班觀音兵一齊搞綠洲啲生意，重出埋US$0.25請莫勞做高級顧問重透露咗佢係博物館嘅館長。五個人決定綠洲要每個禮拜閉館兩日嗌人返去現實世界，而韋德同莎曼花搬到新屋入面住。
出鏡人馬
編輯| 出鏡 | 扮 |
|---|---|
| 泰舍里丹 | 韋德屈斯／PARZIVAL |
| 奧莉花高姬 | 莎曼花古克／雅蒂米思 |
| 賓曼迪臣 | 諾蘭索倫托 |
| 西蒙柏奇 | 奧登莫勞 |
| 馬克懷倫斯 | 占士哈利迪／ANORAK |
| T. J. 米勒 | i-R0k |
| 漢娜·莊－卡文 | 芬納蕾 |
| 森崎温 | 敏郎／大刀 |
| 趙家正[2] | 阿細 |
| 麥根娜姬絲 | 「綠洲」啲小學鷄 |
| 萊提蒂婭賴特 | 「綠洲」啲小學鷄 |
相似之處
編輯部片同小說原作差唔多，都係寫咗喺1980年代流行嘅文化，重有部份素材出自從1990年代到2010年代中葉嗰廿幾年嚟啲流行文化。尤其係部份場景，借鑒咗《侏羅紀公園》、《金剛》、《指環王》、《機動戰士高達》、《哥斯拉大戰機械哥斯拉》、《勁抽福祿壽》呢啲片嘅經驗，重攞埋《街頭霸王系列》、《鬼魅山房系列》、《孖寶賽車》、《魔獸系列》啲部份素材嚟搞。
其它搞作
編輯呢部片嘅宣傳海報曾經喺2018年4月8號，中超嘅廣州恆大淘寶（而家係廣州足球會）喺天河體育中心主場對陣山東魯能泰山比賽用過「READY PLAYER GRANDE」（挑戰者恆大）呢張類似嘅海報[3]。
註同攷
編輯- 註
- ↑ 劇情凈限大刀召喚高達出嚟時有，其它地方都冇。
- ↑ 呢個任務其實係過嗮三關，但超級難玩。嗰三關要收集齊橙、綠、白三條鎖匙，其中第一關打賽車，第二關挑戰鬼屋，第三關挑戰比萬丈窟重要複雜嘅迷宮。最後用齊之前收集嗰三條鎖匙打開埋最終光之大門先至係打爆機。
- ↑ 呢度講嘅「遊戲」實質係個VR技術嘅虛擬世界，因為好多玩家沉迷咗噉嘅超難玩遊戲而成為行屍走肉。
- ↑ 4.0 4.1 原句出自仙劍奇俠傳系列遊戲喺角色死嗮之後，出現嘅「勝敗乃兵家常事 大俠請重新嚟過」嘅畫面。因為所謂「超級難玩」嘅遊戲任務同仙劍奇俠傳系列一樣，都係唔事先保存進度情況下，角色死嗮要重新玩過，冇得接機。不過呢度講嘅嗰隻「超級難玩」遊戲冇得保存進度。
- 攷
- ↑ "Ready Player One (2018)". Box Office Mojo. 原先內容歸檔喺2018-03-31. 喺2018-03-29搵到.
- ↑ 許惠敏 (2018-03-31)。〈影／「一級玩家」要角 14歲華生趙家正首映〉。《[[聯合新聞網]] (世界日報)》。原先內容歸檔喺2018-04-01。
- ↑ 〈广州恒大淘宝足球俱乐部〉。原著喺2018年4月14號歸檔。喺2018年4月13號搵到。