捉黃腳雞係種涉及到性關係嘅敲詐，多數針對一啲有錢或者有社會地位嘅人，做法一般都係安排一段「豔遇」畀目標，之後再用「捉姦」做藉口去勒索錢財。
「捉黃腳雞」嘅詞語起源自農村嘅雞農。「黃腳雞」本嚟意思係指雞公，因為公嘅腳係深黃色。當雞農想捉雞公，就會將穀撒落地，雞乸會專心食穀，但雞公會對雞乸有多啲興趣，想同佢哋交配，雞農就好易搵到雞公，將佢哋捉住。
