掛綠湖

掛綠湖（粵拼：gwaa3 luk6 wu4）係中國廣東廣州嘅濕地公園，2012年2月28號開園，位置喺增城荔城街道羅崗村，西靠荔新大道；東靠新城大道；南靠破塘嶺；北靠增城區人民政府駐地。佢亦係增城地區為咗解決增江發大水時成日出現洪峰嘅問題而搞。

掛綠湖

史

增城地區為咗解決增江發大水時成日出現洪峰問題而喺2008年11月開始話搞呢間公園，初期計劃改名做荔湖，但嗰時話要搞5.5km嘅湖堤。直到2011年底，湖名正式改名做掛綠湖嚟映射當地嘅荔枝特產——掛綠。同年12月，工程正式開工，但工期用咗三個月好快搞掂。期間亦令掛綠湖嘅施工地域啲拆遷戶「親情」噉安置到湖東邊嘅增江畫廊南邊冇幾遠緊增江邊啲高樓樓盤入面。2014年1月20號開始引水入嚟而最後形成咗2.14km²嘅湖泊。原先增城區長曹鑒燎喺2013年初接受增城電視台嘅採訪報道話，將掛綠湖要整成8km²嘅水面，重定喺2015～2016年打造成核心區65km²、綜合保護區110km²呢項綜合計劃，但後嚟曹鑒燎喺同年12月俾市民舉報話貪污而拉咗去接受司法調查而冇搞到。隨後新上任嘅區長——歐陽衛民正式修改咗掛綠湖嘅規劃，話保留原先一期嘅規劃，之前曹鑒燎定咗嘅二期規劃加上因為涉及改變掛綠新城好多嚿地皮嘅規劃同埋廣州北三環高速公路、荔新快速路嘅工程要改線嘅理由而取消咗。

概况

公園有70公頃咁大，其中水域面積30公頃，濕地面積4公頃，湖心島面積有36公頃。總綠化面積大概22公頃，重鋪咗12公頃草皮。喺近湖邊有一堆綠化同草皮響度，湖嘅南邊望過去，好似幅大型嘅山水畫噉。