接力賽跑

接力賽跑係田徑運動嘅一種，係多人合作嘅接力徑賽項目。比賽嗰陣要拎住一支長30厘米嘅金屬圓棒作為交接工具，選手一定要喺屬於自己嘅範圍拎住支棒，唔係嘅話就係犯規，必須喺接棒區之內接棒。當拎住棒嘅選手就快到嘅時候，下一位接棒嘅選手就要開始起跑動作，以達到接棒嗰陣可以加快速度。根據每個選手嘅速度，接力賽跑嘅接棒次序通常係：第二快、第三快、最慢、最快。如果走咗出自己嗰隊嘅線道或者選手過咗接捧區都交唔到棒畀下一位選手，全隊都會被取消資格。

除咗第一位選手會用助跑器起跑之外，其他選手都係企喺度起跑。