揀飲擇食失調症[1]（粵音：gaan2 jam2 zaak6 sik6 sat1 tiu4 zing3，英文：Selective eating disorder），係一種同飲食失調有啦掕嘅病。同揀飲擇食[2]有啲唔同，呢隻病係指人會避免食某啲嘢食，抑或唔食咁多，卒之搞到唔夠營養。噉可能係因為嗰樣嘢食畀人嘅感官特徵（例如個樣、浸味同埋質地）唔係幾好，又或者係驚食完嗰樣嘢食跟住會有不良後果，抑或純粹冇乜興趣食嗰樣嘢食。患咗呢隻病嘅人亦都可能會開始對於試新嘢食覺得囉囉攣，呢種恐懼畀人叫做嘢食恐懼症。
